Patay ang gina-alegar katapo sang Southwest Front sang New People’s Army sa engkwentro batok sa 15th Infantry Battalion sang Philippine Army sa Purok 5, Barangay Basa, Cauayan kahapon sang aga.
Sa interview sang Bombo Radyo Bacolod kay Brig. Gen. Joey Escanillas, ang engkwentro ang nagluntad alas-11:42 kahapon sang aga, matapos nga may nagreport sa mga militar nga may mga nasiplatan nga armado nga grupo sa lugar.
Ang pagbayluhanay sang luthang batok sa ginabanta apat tubtob lima ka rebelde ang naglawig sang lima tubtob 10 ka minutos.
Ang napatay ang ginkilala sang mga former rebels nga si Alyas Art.
May narecover man nga improvised shotgun gikan sa engkwentro.
Sa karun, padayun pa ang pursuit operation sang militar batok sa mga nakapalagyo nga NPA members.
