Gina-imbestigaran pa sang Bacolod Police Station 1 ang ginaalegar pagpanghold-up nga nagluntad sa atubang sang Land Bank – Cyber Center Branch, Lacson Street, Bacolod City kahapon.
Sa interview sang Bombo Radyo kay Police Major Ramel Sarona, station commander sang Bacolod Police Station 1, ang biktima ang isa ka liason officer sang Negros Occidental Teachers Federation kag nakuha sa iya sang wala pa makilal-an nga suspetsado ang ginaalegar P600,000 nga cash.
Suno kay Sarona, santo sa CCTV footage, nagasundanay ang suspetsado kag ang biktima pagsulod kag pagwa sa cyber center.
May kaupdanan man ang biktima kag makit-an sa footage nga tatlo sila samtang isa lamang ang suspetsado.
Nagpalapit ang suspect sa biktima, ginbitbit ang kwarta nga may unod nga cash, nagwa kag nagsakay sa salakyan.
Ginaimbestigaran pa sa karun kun hold-up gid man ang natabo bangud wala sang komosyon kag wala man nakit-an nga gintayaan ini sang armas luthang ukon patalom.
Nagreport naman ang liason officr sa patroller sang Bacolod Police Station 1 nga malapit sa lugar.
Sa karun gina-imbestigaran pa sang kapulisan kun pagpanghold-up gid man ang natabo ukon indi.
