Ginabanta nga nagdangat sa P73 million ang balor sang kahalitan nga ginbilin sang Bagyo Tino sa Canlaon City, Negros Oriental.
Madumduman nga dalagko nga mga bato ang nagligid halin sa nabukid nga bahin sang ciudad padulong sa city proper.
Tuman man ka dako nga tubig baha ang na-eksperyensyahan sang mga pumuluyo.
Sa karun nagdangat na sa 16 ang nagkalamatay kag 14 pa ang missing nga padayon nga ginapangita sa Canlaon City.
Sa karun padayon ang search and rescue sang mga otoridad sa mga nagkadula mga residente.
Sa interview sang Bombo Radyo Bacolod kay Edna Lou Masicampo, spokesperson sang Canlaon City Government, nagdangat sa siyam ka mga Barangay ang ginpang-evacuate bangud sa Bagyo kag ginhatagan sang 14 kaadlaw agud nga mapahanugutan ang mga residente nga magtinir sa buluthuan.
Nagdangat sa 490 ka pamilya ukon 1588 ka inviduals ang nag-evacuate.
Suno kay Masicampo sa tanan nga luyag nga magpadangat sang bulig sa Canlaon City mahimo lamang sila magcoordinate sa liason officer sang Canlaon City paagi sa #0955-7868-376.
Nagakinahanglan snag mga residente sa karun ang potable water bangud ang ginakuhaa nila nga watersource ang nalakip man sa naapektohan sang tubig-baha dala sang Bagyo Tino
Nahibaluan nga ang ciudad ang ginpaidalom naman sa State of Calamity bangud sang lapnagon nga epekto sang Bagyo Tino.
