Nasapwan ang ginabanta anom tubtob pito ka bulan pa lamang nga lapsag nga ginhal-id sa kahilamonan sa Sitio Maligbasa, Barangay Sta. Cruz, Murcia kahapon sang aga.
Sa interview sang Bombo Radyo Bacolod kay Police Senior Master Sgt George Romo, imbestigador sang Murcia Municipal Police Station, ang fetus ang nasapwan ni Miguel Suarez, residente sa nasambitan nga Sitio matapos nga siya ang makalabay sa lugar kapin alas-10:00 kahapon sang aga.
Ang Sitio Maligbasa ang kapin apat ka kilometro ang kalayuon gikan sa proper sang Barangay Sta. Cruz, samtang ang fetus nga lalaki ang ginhaboy naman sa hilamonan nga malapit sa isa ka banglid.
Paathag ni Romo nga gina-imbestigaran na sa karun sang mga kapulisan kun sin-o ang mga nagabusong sa lugar nga mahimo naghal-id sang lapsag.
Ang suspetsado ang mahimo suno diri nga mapasakaan sang kaso nga infanticide.
Sa pagbanta sang Murcia Municipal Health Office, ang fetus nga lalaki ang kapin anom tubtob pito ka bulan pa lamang samtang wala lang magdugay sang ini ang ginbilin sa lugar bangod ini ang wala pa sa stage of decomposition.
Ang lapsag ang ginpalubong na lamang sang Municipal Health Office sa Murcia Public Cemetery.
