Ginabanta P3-Milyones nga balor sang suspected shabu, narekober sa buybust operation sa ciudad sang Bacolod.

BACOLOD CITY – Narekober ang ginabulubanta P3-milyones nga balor sang suspected shabu sa ginpatigayon nga buybust operation sang City Drug Enforcement Unit (CDEU) sa idalum sang superbisyon ni Bacolod City Police Office (BCPO) Director Police Superintendent Francisco Ebreo kagab-i.

Naaresto ang newly-identified drug personality nga si Rayden Palomero y Tuba kag Rica Mitch y Villalon sa Purok Bangrus, Brgy. 1 ciudad sang Bacolod.

Nakuha sa ila ang 16 ka mga plastic sachet sang ginapatihan iligal nga druga kag ang P5,000 nga marked money.

Ang mga nakonpiskar nga iligal nga druga ang nagabug-at sang 260 gramos.

Sa karon, nahunong ang mga suspetsado sa Bacolod City Police Station 2 kag natalana nga pasakaan sang kaso.