Nagapati si Councilor Wilson “Jun” Gamboa Jr., convenor sang Amlig Tubig, nga dapat i-invalidate ang joint venture agreement sa tunga sang Bacolod City Water District (BACIWA) kag Prime Water bangud sa absence sang duha ka mga miyembro sang Board of Directors subong.
Sa interview sang Bombo Radyo Bacolod kay Gamboa, ginpahayag sini nga nahibaluan kay BACIWA General Manager Atty. Juliana Carbon nga indi kompleto ang BOD bangud pila na ka bulan nga wala na nagareport si Engr. David M. Villanueva bangud yara ini sa Intensive Care Unit (ICU) samtang natapos naman ang term ni Director Eduardo Ravena sang Hulyo 1, 2020.
Suno sa konsehal, madugay na nga wala nagareport si Ravena kag wala naman gindisclose ang rason suno kay Carbon kun ngaa naghalin ini sang siya ang ginkwestyun sa hearing.
Suno kay Gamboa, yara na sa karun sa lamesa sang BOD ang mga resolution tuhoy sa joint venture kag magadepende na sa ila kun ila ini pirmahan apang nagapati ini nga dapat indi ini pagpahanugutan bangud indi kompleto ang BOD.
Suno sa konsehal, ang absence sang isa ukon duha ka mga directors ang makaapekto gid sa pagdesisyon gani kuntani i-invalidate ang mga resolusyon bangud mangin kwestiyonable gid kun ila ini gihapon pirmahan apisar sang status sa karun sang BOD.
