Magasapol karon sa hapon ang chairman sang Transportation Committee sang Sangguniang Panlungsod sang Bacolod kag ang mga pinuno sang transport group agud istoryahan ang ginahingyo nga saka sa pamasahe.
Sa interview sang Bombo Radyo kay Jessie Ortega, secretary general sang Sentrong Samahan ng mga Tsuper, Operators Negros (SSTONE), 11 pesos ang ginahingyo nila nga regular fare sa una nga apat ka kilometros nagikan sa karon nga 8 pesos kag 50 sentimos kag dugang nga piso kag 50 sentimos sa succeeding kilometer.
Ini ang ginsanto nanday Ortega sa gin-aprubahan sang LTFRB Region 7 para sa mga PUJ sa Cebu.
Suno diri, kuntani uniform nalang ang regular fare.
Suno naman kay Councilor Dindo Ramos, ginpahayag sini nga ang Land Transportation and Franchising Board (LTFRB) ang nagaregulate sang pletehan sa bilog nga pungsod ang naghatag na sang provisional authority sa pagpasaka sang pasahe nga mangin basehan sang mga drivers sa pagpanukot.
Suno kay Ramos, sa patigayunon nga meeting istoryahan ang mga guidelines nga ginpagwa agud maobserbar ang social distancing kaangay sang pagbutang sang plastic barrier sa tagsa ka PUJ unit.
Suno pa diri, kinahanglan nga mangin kooperar ang tanan sa mga mandato nga ginapatuman sang LTFRB kaangot sa safety measures.
Ginpahayag man sini nga willing man nga mag-upod sa meeting si LTFRB Regional Director Richard Osmeña agud man nga makonsulta ang mga issues nga ipadangat sang mga transport group.
Estoryahan man sang mga ini nga indi dapat maapektuhan ang mga daily wage earners bangud dapat man nga ibalanse ang interest sand driver kag commuters.
