Nagasaka sa karun ang ginatawag nga “dark tourism” sa sur nga bahin sang Israel bangud sa nagadamo nga numero sang mga pumuluyo nga nagabisita sa mga sites nga ginluntaran sang pagpang-atake sang Hamas sang Oktubre 7, isa sa ginakabig nga pinakamakamamatay nga adlaw sa Israel kag pinakamalala nga pagpamatay sang mga Jews humalin sang Holocaust.
Ang dark tourism ang ginalakipan sang pagbyahe sa mga lugar nga naangot sa kamatayon kag trahedya lakip na ang mga war museums kag lulubngan.
Sa Nova Music Festival Memorial, ang lokasyon sang isa ka rave party kun sa diin 364 ka mga persona ang ginpatay sang Hamas kag ginkidnap ang 44 ka mga partygoers kag staff, dinosena nga mga bisita ang nagpadulong sa mga litrato sang mga biktima samtang nagapadulong kag nagapagwa ang mga buses nagikan sa nagkalain-lain nga tour operators.
