Nadakpan ang isa sa ginakabig nga high ranking official sang North Negros Front sang New Peoples Army sa ginpatigayon nga clearing operation sang 79th Infantry Battalion sang Philippine Army kasunod sa nagluntad nga engkwentro sang Biyernes, sang hapon sa Barangay Bandila, Toboso, Negros Occidental.
Sa interview sang Bombo Radyo Bacolod kay 1st Lt. Dan Carlo Samoza, civil military officer sang 79th IB, sa ginpatigayon nga clearing operation nakabaton ang kasuldadohan sang tip kun diin nagatinir ang mga NPA.
Suno diri may isa ka balay malapit sa encounter site kag sa ila pagtsekyar, yara sa sulod si alyas Pinky, nga ginakabig nga high ranking official sang NPA kag kaalyado ni Roger Fabillar ukon alyas Arnel Tapang.
May narekober man nga mga high powered firearms gikan sa area.
Si alyas Pinky ang may standing warrants of arrest nga pagapangatubangon sini.
