Arestado ang ginakabig nga high value individual sa drug buybust operation nga ginpatigayon sang Silay City Police Station sa Sitio Barra Proper, Barangay Mambulac, Silay City kahapon.
Ang suspetsado ang ginkilala kay Edmund Tobongbanua, 40-anyos, single, wala sang trabaho kag residente sang nasambit nga lugar.
Nakuha s aiya paghinakop ang napulo ka heat sealed transparent plastic sachet sang suspected shabu, isa ka coin purse, buybust money nga nagabalor P1,000 kag siyam ka disposable lighters.
Ang nakumpiskar nga illegal nga druga ang nagabug-at sang pito ka gramos kag may estimated market value nga P47,600.
Sa karun nakahunong na si Tobongbanua sa Silay City Police Station kag natalana nga magpangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.
