Arestado ang ginakabig nga Most Wanted Person sang Bacolod Police Station 2 matapos ginserbehan sang warrant of arrest sa kaso nga frustrated homicide kag robbery.
Sa interview sang Bombo Radyo kay Police Captain Jonito Pastrana, station commander sang Bacolod Police Station 2, naaresto si Roman Bitoon alyas Bagis, 28-anyos, residente sang Purok Nangka, Barangay 3, Bacolod City.
Suno kay Pasatrana, ang warrant of arrest ang ginrelease sang Mayo 27, 2022.
Suno diri, makapila ka beses na nila nga gintuyo nga dakpon ang wanted person sa Purok Kagaykay, Barangay 2 kag Barangay Banago apang ini ang nakapalagyo.
Kahapon, natigayon ini nga nadakpan sa sulod sang isa ka computeran kag nacorner sang mga kapulisan.// Sa karun nakahunong na si Bitoon sa kustodiya sang Bacolod Police Station 2.
