Padayon nga nagapanghalit ang lapnagon nga wildfire sa probinsya sang Guadalajara sa sentro nga bahin sang Spain sang Lunes, samtang nagdangat na ini sa ikalima nga adlaw nga wala untat nga pagkalayo.
Ini na ang ginakabig nga pinakadako nga sunog sa pungsod sini nga tuig.
Samtang nagpaandam ang mga weather forecaster nga ang padulong nga heatwave ang mahimo makapalala pa sang epekto sang sunog sa dako nga bahin sang Spain.
Santo sa La Mierla wildfire sa Guadalajara, naglapta na sa masobra 26,000 ka ektarya sang kadutaan.
Bangud sa madasig nga paglapta sang kalayo, ginbakwit ang mga pumuluyo sa tatlo pa ka banwa kahapon, dugang sa masobra 1,000 ka mga residente nga napilitan nga magbakwit.
Suno kay regional leader Emiliano Garcia-Page, halos 30 ka mga komunidad ang napalibutan sang kalayo nga nagatuga sang kabudlayan para sa mga bumbero kag emergency responders.
Nagpahanumdom naman ang Spanish weather agency nga AEMET nga lauman ang ikatatlo nga heatwave sang pungsod sini nga 2026 kag mahimo maglawig ang sunog tubtob sa Huwebes.
