Nagtaliwan na ang ginakabig nga pinakatigulang nga persona sa bilog nga kalibutan sa edad nga 112.
Suno sa Guinness World Records, nagtaliwan na si John Tinniswood, isa ka Englisman nga ginbun-ag sa kaangay nga tuig nga naglubog ang Titanic kag nakasurvive sang duha ka world wars kag duha ka global pandemics.
Si Tinniswood ang nagtaliwan sang Lunes sa isa ka care home sa Southport, northwest England, nga ginapalibutan sang music kag pagpalangga suno sa iya pamilya.
Suno sa pamilya sini, si John ang may yara sang madamo nga maayo nga mga qualities.
Siya ang maalam, decisive, maisog, kalmado sa maskin ano nga krisis, talented sa maths kag maayo nga conversationalist.
Ang mga nabilin sini nga mga himata amu ang iya bata nga babaye, apat ka mga apo kag tatlo ka mga apo sa tuhod.
Humalin sa edad nga 100 tubtob 110, nakabaton ini sang isa ka birthday card kada tuig nagikan kay the late Queen Elizabeth, nga mas manghod sa iya sang 14-anyos kag nagtaliwan sang 2022.
