Ginalantaw nga magapatuman sang oil price rollback sa masunod nga semana matapos ang pila man ka semana nga pagtimbuok sang presyo sini.
Base sa una nga apat ka adlaw nga trading sa world market, yari ang posible nga pagnubo sa presyo sang gatong sa masunod nga semana:
-Diesel – P10.50/L
-Gasoline – P3.50/L
-Kerosene – P5.30/L
Ini nga rollback kasunod man sang nakasugtan nga ceasefire sang United States kag Iran sa sulod sang duha ka semana.
Apang suno sa Philippine energy department, indi dapat mag-ekspektar ang mga Pinoy nga magabalik na sa labing madali nga panahon ang presyo sang langis sa presyo sini antes ang giyera.
Suno kay Energy Secretary Sharon Garin, nga ang global factors kalakip na ang naguba nga oil infrastructure kag nagasaka nga delivery costs ang padayon nga magapataas man sang presyo sang gatong.
