Subong nga Miyerkules, ang Low Pressure Area sa west southwest sang Bataan ang nahimo na nga bagyo ukon Tropical Depression.
Ang sentro sang Tropical Depression “HENRY” ang ulihi nasiplatan kaina alas-4:00 sang kaagahon sa 115 km west southwest sang Abucay, Bataan, nga may kabaskugon sang hangin nga nagadangat sa 45 km/h kag pagmadlos nga tubtob 55 km/h.
Ini ang nagahulag sa 25 km/h sa northwestward padulong sa West Philippine Sea.
Ginpaidalom na sa Tropical Cyclone Wind Signal no 1 ang Zambales, Bataan, kag Occidental Mindoro gani lauman ang pagmadlos sang hangin.
Ang bagyong Henry ang lauman nga magwa sa PAR bwas sa aga samtang ini ang magabaskog pa bilang Tropical Storm.
Padayon man nga nagaapekto ang Habagat ukon Southwest Monsoon sa western sections sang Visayas kag Mindanao.
Lauman ang mga mabaskog nga pag-ulan kag mamadlos nga hangin sa Zambales kag Bataan dala sang Bagyo Henry.
Maghalong sa posible nga pagbaha ukon landslide tuga sang kasarangan tubtob sa madamol nga pag-ulan kag mga kahalitan nga matuga sang mabaskog nga hangin.
Maeksperyensyahan naman sa Metro Manila, CALABARZON, Bulacan, Tarlac, Pampanga, Oriental Mindoro, Occidental Mindoro, kag Marinduque ang lapta-lapta nga pag-ulan tuga gihapon sang Bagyo Henry.
Samtang, lauman man ang lapta-lapta nga pag-ulan sa Western Visayas, Negros Island Region, Central Visayas, Zamboanga Peninsula, BARMM, nabilin nga bahin sang MIMAROPA, Lanao del Norte, Misamis Oriental, kag Misamis Occidental tuga sang Habagat.
Maeksperyensyahan naman ang makanay nga panahon sa nabilin nga bahin sang pungsod luwas sa mga makadali nga pag-ulan dala sang localized thundestorms.
