Ginahibalo pa sang mga otoridad ang gintunaan sang kamatayon sang 38-anyos nga katapo sang New People’s Army nga nasapwan na lamang nga wala na sang kabuhi sa iya puluy-an sa Barangay San Jose, Toboso, Negros Occidental.
Suno kay Col. Jay Javines, commander sang 79th Infantry Battalion sang Philippine Army, nasapwan na lamang sang iya 77-anyos nga iloy nga wala na sang kabuhi si Jimuel Along, 38-anyos, squad team leader sang nadismantled nga Northern Negros Front sang New People’s Army sa sulod sang ila puluy-an.
Suno kay Javines, gindala si Along sa rural health unit kag ginpaidalum sa post mortem examination agud mahibaluan ang rason sang iya kamatayon.
Suno diri, aktibo nga miyembro sang NPA ang biktima kag imbolbado ini sa madamo nga mga engkwentro sa northern Negros.
Sa karun nagapadayon pa ang imbestigasyon sang mga otoridad.
