Ginkumpirmar sang station commander sang Bacolod City Police Station 9 nga negatibo ang nangin resulta sa ginapatihan shabu sa balay nga ginarentahan ni Rene John Nasis.
Sa interview sang Bombo Radyo Bacolod kay Police Captain Michael Tuburan, nag-abot na ang resulta sa ginpatigayon nga examination nga ginpatigayon sa ginapatihan shabu.
Nahibaluan nga ang nagpatigayon sang test amo ang Negros Occidental Crime Laboratory Unit.
Suno kay Tuburan, nakita sa resulta nga indi shabu ang unod sang plastic sachet nga nakita sang pakaisa ni Pearl Joy Galve sa sulod sang puluy-an nanday Jennifer Galve kag Rene John Nacis nga ginturn-over sa Bacolod City Police Station
Suno kay Tuburan palaligban naman sa karun kag isa naman sa imbestigaran sang mga kapulisan kun sin-o ukon paano nakalab-ot ang ginapatihan nga shabu sa ginatiniran nanday Nasis kag Galve.
Samtang, may nakastandby naman nga mga kapulisan sa area sang pamilya ni Pearl Joy agud masiguro ang seguridad sang mga ini kag padayon man ang ila nga komunikasyon sa pamilya sang biktima
