Ginahulat pa nga mapadulongan sang Bacolod City Legal Office ang poultry farm sa Barangay Mansilingan kasunod sa pagpasa sang request nga ipasira ang establishimento bangod sa pagduging sang langaw sa Purok Gonzaga, Brgy Mansilingan, Bacolod City.
Suno kay Ronilo Apellido, summon officer sang Brgy, sa karun naghagan-hagan na ang langaw nga nagahalit sa ila Brgy apang naga-antos naman sa karun ang pihak nga Brgy nga amo ang Brgy Felisa bangod didto gintumpok ang iti sang manok para gamiton bilang abono sa tubo.
Suno kay Apellido iban sa mga residente sang Brgy Felisa ang ginamasakit na bangod sa baho sang iti samtang sila sa Brgy Masilingan kun kaisa ang naga-antos man sa baho kun mabaskog ang dapya sang hangin.
Sa pihak sini, wala gid naka-esturya ang tag-iya sang poultry farm sa ila bisan nga madamo na sang nagareklamo.
