Diri sa kalibutan indi gid kita kapakot kun ano ang atun mangin kapalaran.
Kaangay lamang sang natabo sa Berezovsky, Russia, kun sa diin napierde ang alkalde sang isa ka “puppet candidate” nga iya subordinate nga asawa sang personal driver sini.
Nagtinguha kuntani si Yevgeny Pistsov nga masiguro ang ika-apat nga sunud-sunod nga termino bilang alkalde nga ginakabig na nga pormalidad lamang.
Nagapadalagan ini batok sa iya kapartido sa idalom sang United Russia political party ni Vladimir Putin, nga personnel sini kag asawa sang iya driver.
Wala naglaom si Yulia Maslakova nga magdaog nga nagpahayag nga nagpadalagan lamang sia bilang “sparring partner” ni Pistsov.
Sa ila lugar, ang mayor ang wala ginapili sang mga tawo, kundi sang mga deputies nga kalabanan, representatives sang nagkalain-lain nga local kag regional authorities.
Suno sa report, ginpili sang mga deputies ang subordinate sang mayor bilang balos sa iya bangud nga wala niya ginpahanugutan ang mga ini nga magpadalagan agud nga makapili sila sang ila kandidato.
Tuman naman ang kakibot sang asawa sang driver kag luyag niya kuntani nga mag-isol apang ulihi na ang tanan bangud nga nadeklarar na siya nga nagdaog.
