Ginpahayag sang isa ka galloner sang Dugong Bombo nga may yara na sang apat ka mga tawo ang nabuligan sang gindonate nga dugo.
Sa interview sang Bombo Radyo Bacolod kay Rodolfo Solinap, residente sang Valladolid, Negros Occidental, maayo ang pamatyag sini nga liwat na nakadonate sang dugo.
Suno kay Solinap nalipay ini bangud sa pag-donate sini sang dugo apat na ka tawo ang natigayon nga mabuligan sini.
Suno diri, ang una nga nabuligan sini ang bag-ong bun-ag nga bata kag duha ka mga cancer patients kag isa pa ka nagakinahanglan nga residente sa banwa.
Kalabanan sang iya nga nabuligan amo ang iya nga mga himata kag nagavolunteer ini nga makahatag sang dugo bangud may yara ini sang card sa Dugong Bombo.
Ang card ang ginpahulam niya sa iya nga himata agud nga makakuha sang dugo sa bloodbank kag matughong sa nagakinahanglan.
Dugang pa sini nga wala siya nagpangduha-duha nga magbulig sa mga nagakinahanglan sang dugo bangud nakahibalo ini sang feeling sang mga ayawan magpangita bangud sa natabo sa ila amay.
2015 siya nag-umpisa sa pagdonar sang dugo tubtob subong nga 2025.
Magluwas nga galloner na ini, siya ang nalipay bangud paagi sa gindonar nga dugo siya ang nakabulig sa iya isig kapareho.
