Ginikanan nga nagbilin sang patay nga fetus sa suba sa Brgy Estefania, padayun pa nga ginatumod

Padayon pa nga ginatumod kun sin-o ang ginikanan sang patay nga fetus nga nasapwan nga nakasulod sa karton sang sapatos sa suba sa Purok Kaburihan Economic Highway, Barangay Estefania, Bacolod City, sang Miyerkules sang aga.

Sa interview sang Bombo Radyo kay Police Major Marc Joel Reclamado, station commander sang Bacolod Police Station 4, magakoordinar sila sa Barangay Health Worker sa datos kun sin-o ang mga nagabusong sa area.

Suno diri, mangita man sila sang CCTV sa area agud makumpirmar kun diin halin ang fetus.

Nagapanawagan ini sa karun sa nakawitness sa paghaboy sa fetus kag sa nakakilala sa ginikanan sini nga makig-angot lamang sa ila.