Nagalaom ang mga ginikanan ni convicted Overseas Filipino Worker Mary Jane Veloso nga i-grant ni President Ferdinand Marcos Jr. ang ila Christmas wish, nga amu ang clemency para sa ila bata.
Suno sa amay nga si Cesar Veloso, kuntani pag-abot sang Disyembre 24, mahatagan siya sang clemency sang Presidente.
Si Mary Jane, 39-anyos, ang ginsentensyahan sang kamatayon bangud sa drug trafficking matapos nga siya ang nakuhaan sang 2.6 kilos sang heroin sa Indonesia sang 2010.
Suno kay President Ferdinand Marcos Jr. sang Nobyembre, nakalab-ot sa isa ka kasugtanan ang Manila kag Jakarta nga sayluhon ang Filipino convict sa iya homeland kag ginpasalamatan si Indonesian President Prabowo Subianto kag ang iya gobyerno sa ila maayo nga buhat.
Apang suno sa Malacañang, indi pa ini makahata sang komento natuhoy sa status ni Mary Jane sa iya pagbalik sa pungsod bangud ang prayoridad sang Presidente amu nga marepatriate si Veloso nga wala sang delay.
