Tuman ang kalipay sang tag-iya sang Campuestohan Highland Resorts matapos nga ginkilala sang Guinness World Records ang “Manok ni Cano Gwapo Tan” bilang largest building in the shape of a chicken.
Sa interview kay Ricardo “Cano” Tan, nagapasalamat kag nagalipay ini matapos nga kilalahon ang ginpangabudlayan sang mga ini nga pagpaubra sang nasambit nga buiding nga korte manok.
Suno kay Tan nagpangayo ini sang bulig sa katapo sang media agud nga saksihan ang inagurasyon sang nasambit nga building bangud nagapati ini nga paagi sa media mapalapnag kag mapahibalo sa madamo nga mga tawo ang maayo nga balita.
Ang evaluation antes ang recognition ang ginpatigayon sang Guinnes World Records sadtong Setyembre 8.
Ginpahayag man ni Tan, nga ang nasambit nga manok ang nagaisahanon kag nakahimo sang kasaysayan para sa ciudad sang Bacolod kasubong man sa Pilipinas.
