Gintawag ni Silay City Mayor Joedith Gallego nga ‘political demolition’ lamang ang mga alegasyon nga ginbuy-an ni Abang Lingkod Partylist Representative Joseph Stephen ‘Caraps’ Paduano sa House of Representative batok sa iya.
Panindugan sang alkalde nga wala sang basehan kag wala sang ebidensya ang mga alegasyon sang kongresista.
Wala man sang problema sa iya kun ini ang ipatawag sa Kongreso kag wala man ini sang ikahadlok sa panindugan nga ini ang wala sang may ginatago.
Panindugan sini nga wala sang anomalya sa dalagkuan nga proyekto sa Silay City kalakip na sa City Hall, City College kag Public Market kag ang mga ini ang naglabay sa nagakaigo nga proseso.
Suno kay Gallego, mas madamo sang mga problema sa national nga mas nagakaigo nga tutukan imbes nga ang performing official, nga nagatinguha nga mapa-uswag ang ciudad.
Panindugan sini nga siya ang magapareelect bangod luyag sini mabatyagan sang pumuluyo ang matuod kag tampad nga pagserbisyo.
Apang bangod malapit na lamang ang filing sang Certificate of Candidacy, ginalantaw sini nga ang pagbatikos sa iya ang kabahin lamang sang political demolition.
