Gina-imbestigahan ang gintunaan sang kalayo sa sunog nga nagluntad sa Country Homes, Barangay Alijis, Bacolod City kahapon sang udto.
Suno kay Bacolod Fire Marshal Fire Chief Inspector Rodel Legaspi, isa ka balay nga ginapanag-iyahan ni Ken Dacut Furuyama ang partially damaged kag kapin P225,000 ang balor sang halit nga gintuga sang sunog.
Suno kay Legaspi, wala naman sang casualties ukon napilasan sa insidente apang nasunog ang pila ka mga appliances kag isa ka motorsiklo.
Yara sa 1st alarm ang status sini.
Santo sa imbestigasyon sang Bureau of Fire Protection, sa nakatungdan nga bahin sang balay partikular na sa Utility Area nagsugod ang kalayo.
Sa inisyal nga imbestigasyon, electrical in nature ang gintunaan sang kalayo apang magapangita pa sila sang ebidensya.
