Tun-an pa sang City Legal Office sa syudad sang Bacolod ang ginturn-over nga kontrata sang syudad sang Bacolod kag AstraZeneca.
Sa interview sang Bombo Radyo Bacolod kay Atty. Romeo Carlos Ting Jr., nabaton na sini ang kontrata sang Bacolod City kag AstraZeneca angot sa gin-order nga COVID vaccine.
Suno kay Ting, kinahanglan nga reviewhon pa kag I-evaluate ang kontrata antes nga maghatag sang rekomendasyon kun bayaran sang syudad sang P98 million para sa nabilin nga doses nagikan sa kabug-usan nga 650, 000 doses sang bakuna.
Ginpahayag man sang city legal officer nga ang alkalde sang syudad kag ang AstraZeneca ang nagaestoryahanay man angot sa wala pa nabayaran nga bakuna kun sa diin nahamtang sa central office sang Department of Health.
Madumduman nga sang Biyernes nabaton na ni Bacolod City Mayor Alfredo Benitez ang kopya sang kontrata sang syudad kag sang AstraZeneca angot sa gin-order nga bakuna.
