Ibaligya na sang singer-songwriter nga si Kitchie Nadal ang iya gitara nga ginagamit niya sang masobra duha ka dekada.
Sa iya Instagram post, ginpahayag sang bantog nga singer nga ginabaligya niya ang iya nga Parker Fly Deluxe Guitar nga 20 anyos na niya nga kaupod sa pagtukar kag pag-perform sa bug-os nga kalibutan.
Suno sa iya, naserbisyuhan sia sang maayo sang amo nga instrumento apang tion na nga makaangkon ini sang bag-o nga balay sa diin makapadayon man ini sa pag-inspire sang musika
Wala man sini ginpakigbahin kun pila ang presyo sang nasambit nga gitara.
Si Kitchie ang bantog sa iya mga ambahanon nga “‘Wag na ‘Wag Mong Sasabihin,” “Bulong” , kag “Same Ground.”
Si Kitchie ang nagapuyo na sa Spain kaupod ang iya bana nga si Carlos Lopez kag ila nga mga kabataan.
Apisar nga isa na siya ka full-time mom, nagapadayon si Kitchie sa pagsulat sang mga kanta.
