Gloc-9, nagbuyagyag nga may tion nga ginadumilian ini nga i-perform ang iya kanta nga “upuan” bangod sa masakit nga political message

Gin-ako sang rapper nga si Gloc-9 nga may mga tion nga ginadumilian siya sa pag-perform sang iya kanta nga “Upuan” sa pila ka mga shows bangud sa political message sini kag kritisismo sa mga yara sa posisyon.

Suno sa artist, may mga organizers nga maathag nga nagapahanumdom sa iya nga indi magkanta sang partikular nga ambahanon.

Kun kaisa, luyag man niya nga kantahon ini apisar may paabiso apang mas ginapili sini ang seguridad sang kaugalingon kag sang iya pamilya.

Ginpakigbahin man ni Gloc-9 ang nangin inspirasyon sang kanta.

Ginsulat niya ini matapos masaksihan ang kabudlay kag pag-antos nga gina-eksperyensya sang mga pasyente sang ini ang naga-duty pa bilang nursing student sa mga pampubliko nga mga ospital.

Suno kay Gloc-9, ang mga inagihan, lakip ang pagsaksi sa isa ka iloy nga nadulaan sang bata kag indi patas nga pagtratar sa mga imol nga pasyente, ang nagtulod sa iya nga magsulat sang ‘Upuan’, nga nagserbe bilang panawagan sang hustisya para sa mga imol.