Natumod kag na-verify sang Negros Oriental Police Provincial Office Investigation Team nga ang glock pistol nga nakuha sa possession sang top NPA leader nga si Adidas Acero ang ginapanag-iyahan ni late P/Lt. Col. Arnel Arpon nga anay chief of police sang Guihulngan City nga gin-ambush-patay sang NPA sadtong Hulyo 2017.
Madumduman nga si Acero ang nadakpan matapos ginserbe ang warrants of arrest sa pagbayolar sa RA 10591 kag RA 9516 sa ginpatigayon nga joint AFP-PNP operations sa Barangay Buenavista, Guihulngan City nagligad nga Setyembre 20.
Magluwas sa iya, arestado man ang walo ka iban pa nga mga NPA members nga nalakipan ni Nona Espinosa nga front secretary sang Central Negros 1.
Nahibaluan nga si Arpon ang isa sa apat ka mga pulis nga napatay samtang maga-responde kuntani sa pagpangluthang sa isa ka konsehal.
Gin-ambush kag ginpatay ang mga ini sang rebelde nga grupo sa Barangay Magsaysay, Guihulngan City.
Magluwas dira, ginkawat pa ang ila mga service firearms kag personal nga mga kagamitan.
