Madamo man sang nagpadulong sa Glory Hill sa Barangay Mansablay banwa sang Isabela.
Linibo ka mga deboto ang nagpadulong sa lugar.
Kagab-i tuman kadamo ang nagpila agud nga makasaka sa nasambit nga lugar agud nga masaksihan ang malahigante nga krus.
May yara sang mga wala ginpahanugutan nga makasaka kaangay lamang sang mga bisita nga nagasuksok sang crop top.
Wala man ginapasaka ang may yara sang dala nga mga patalum, mga makahulubog nga ilimnon ukon mga bagay nga delikado nga dal-on sa madamo nga tawo.
Antes makasaka sa Glory Hill nagapila ang mga bisita agud nga magparehistro ilabi na ang wala nakaparehistro online.
Sa interview sang Bombo Radyo Meray Matamoro Disaster Risk Reduction administration officer sa banwa sang Isabela, nakahanda naman ang tanan kag ginalauman na sang banwa nga magadagsa ang mga tawo nga magapadulong sa lugar.
Suno kay Matamoro wala sang bayad ang pagsaka sa babaw sang Glory Hill.
Suno diri, hugot sila nga nagabantay agud nga masiguro nga wala sang may magdala sang makahulubog nga ilimnon ukon anu pa nga ginadumilian nga pagkabutang.// Nagdeploy man sila sang medic sa dalum tubtob sa babaw sang tourists spot.
Nagdangat naman kapin 9 mil ka mga tawo ang nakapadulong na didto as of kahapon nga data.
Kahapon ang mga may edad nga nagpadulong sa lugar nga naglain ang pamatyag ang ginpapahuway lamang sang mga medic personnel.
May yara man sang katapo sang mga kapulisan kag Army nga nagabantay sa lugar.
Ginalauman man ang pagdagsa subong nga adlaw sang mga tawo ilabi na sang mga magapadihon sang mga panaad sa tion sang Semana Santa.
