-- ADVERTISEMENT --
May yara na sang sabat ang gobernador sang Negros Occidental angot sa reklamo sang isa ka doctor nga nagbisita sa iya himata sa Hinobaan District Hospital kun sa diin ang katre ang tuktukon.
Sa interview kay Governor Eugenio Jose Lacson, nakadangat na sa iya ang nasambit nga reklamo kag nagpasiguro nga lantawon sang probinsya ang sitwasyon sa Hospital sa Hinoba-an.
Ginpasiguro man sang gobernador nga nagatinguha sang probinsiya nga maimprobar ang serbisyo kag mapanami ang mga hospitals nga ginadumala sang provincial government sang Negros Occidental.
Suno sa gobernador nga ang District Hospital improvement sa Negros Occidental ang continuing process.
