Ginalantaw sang gobernador sang probinsya sang Negros Occidental nga dako nga problema sa tion nga magbubo ang madamol nga ulan sa southern Negros bangud ginabanta nga 3 million ka cubic meter sang lahar deposit sa karon sa bulkan Kanlaon.
Kahapon, nagsapol kahapon sang aga sa Task Force Kanlaon nga ginapamunuan ni OCD Western Visayas Regional Director Raul Fernandez upod ang mga alkalde sang mga apektado nga kaupod ang gobernador.
Suno kay Negros Occidental Governor Eugenio Jose “Bong” Lacson nga delikado sa kaangay nga sitwasyon ang pagbubo sang mabunok nga ulan nga ginalantaw nga magatuga sang lahar flow kag matabo madamo ang mangin apektado.
Suno kay Lacson, ginkasugtan nila nga magapabilin sa status quo ang 6-kilometer extended danger zone agud nga masiguro nga cleared ang natungdan nga area.
Sa karon ang resources sang probinsya nga nagikan sa quick response fund ang mahimo makacover sa masunod nga sinemana.
Nagpasalig naman ang gobernador sa mga naapektuhan labi na sa banwa sang La Castellana sang nasambit nga bulig.
Samtang nakabakal na ang probinsya sang portalets, food provisions kasubong man kagamitan para sa community kitchen.
