Gobernador sa Negros Occidental, nagapanawagan nga magpabilin nga kalmado sa pihak sang nagakatabo sa pungsod

Nagapanawagan ang gobernador sang Negros Occidental nga ipabilin nga kalmante sa sitwasyon sang pungsod matapos ang pagdakop kag pagdala kay Former President Rodrigo Duterte sa The Netherlands.

Nahibaluan nga sang Martes gindakop ang anay presidente matapos magwa ang warrant of arrest gikan sa International Criminal Court kun sa diin pila na ka mga grupo ang nagapatigayon sang peace ukon unity rally bilang pagpakita sang resulta sa anay presidente.

Suno kay Negros Occidental Governor Eugenio Jose “Bong” Lacson nga pamatian ang panawagan ni Former President Rodrigo Duterte sa mga Pilipino nga magkalma sa pihak sang sitwasyon sa karun.

Suno kay Lacson, ang nagatunga nga pungsod ang wala sang maayo nga benepisyo sa atun tanan.

Indi man makapamaayo sa ekonomiya sang pungsod ang devisiveness bangud apektado ang potensyal investors.

Suno sa gobernador mataas sagihapon ang pagsalig sang mga investors gani nagapanawagan ang gobernador nga ipabilin lamang ini.

Nagapati man ini nga indi man dako nga factors nga makaapekto sa mga local political aspirants ang nagakatabo sa national.

Samtang ginalantaw man sini nga ang issues sa karun ang mahimo man makaapekto sa nagapadalagan para sa senatorial positions.

Ginsulit man ni Lacson nga pamatian ang panawagan sang anay presidente nga ipabilin nga kalmado sa tunga sang sitwasyon sa karun.