Ginbisitahan sang gobernador sang Negros Occidental ang mga pumuluyo nga naapektuhan sang paglupok sang Bulkan Kanlaon kahapon, Christmas day.
Sa interview sang Bombo Radyo Bacolod kay Governor Eugenio Jose “Bong” Lacson, nagpadulong siya kaupod si Board Member Joeben Alonso kag nagdala sang mga pagkaon kag mga mascot sa evacuation centers sa La Carlota City kahapon.
Suno kay Lacson ang probinsya ang may yara sang nagakaigo nga pondo agud nga makahatag sang makaon para sa mga evacuees.
Suno sa gobernador ang mga mascot kaangay sang iya sang isa ka fastfood chain ang nakahatag sang dugang nga kalipayan para sa mga kabataan.
Ginpahayag sini nga may isa ka iloy nga nagpahayag nga kun wala pa naglupok ang Bulkan Kanlaon, wala pa nakakita ang ila anak sang nasambitan nga kilala nga mascot.
Suno kay Lacson, apisar sang sirkumstansya, gintinguhaan nga mapabatyag sa mga evacuees ang espirito sang paskwa.
Panugyan sang gobernador nga buligan sa pagpangamuyo nga magkalma na ang Bulkan Kanlaon agud nga makabalik na sa tagsa ka puluy-an ang mga pumuluyo.
