Ginpaburan ni Negros Occidental Governor Eugenio Jose “Bong” Lacson ang hagna sang Kongreso nga nagaduso sang pagpaiway sang Barangay kag Sangguniang Kabataan Elections sa bulan sang Disyembre 2025 kag patigayunon sa bulan sang Nobyembre 2026.
Suno kay Lacson ang rason kun nga-a gin-file kag gin-aprubahan sa kongresso ang nasambit nga hagna bangod indi makalab-ot sa tatlo ka tuig nga termino nga mga Barangay kag Sangguniang Kabataan officials kun patigayunon ang piniliay sa Disyembre.
Suno sa gobernador ang sa karon nga opisyal sang Barangay kalakip na ang SK ang magaserbisyo sa ika-duha nila nga tuig nga termino subong nga 2025 kun sa diin sa nahibaluan ang tagsa ka mga napilian nga opisyal sang gobyerno ang orihinal nga nagapangalagad sang tatlo ka tuig.
Para sa gobernador pabor siya nga tapuson ang tatlo ka tuig nga pag-serbisyo sang mga barangay kag SK officials bangud ini amo ang ‘normal number of years’ sa tagsa ka termino.
Dugang pa sini hulaton na lamang pirmahan ni Presidente Ferdinand “Bongbong” Marcos Jr. ang hagna apisar gintawag sang Korte Suprema nga unconstitutional ang pagpalawig sang termino sang mga Barangay kag SK officials.
