Indi na ang gobernador sang Negros Occidental magdebate pa sa pahayag ni Diocese of Dumaguete Bishop Julito Cortes paagi sa sulat nga ginpadala sini sa opisina sang presidente nga iveto ang Negros Island Region Act (NIR) Act.
Sa interview sang Bombo Radyo Bacolod kay Governor Eugenio Jose “Bong” Lacson, indi na indi magdebate pa sa opposition ni Bishop Cortes apang dako ang pagsalig sini kay President Ferdinand “ Bongbong” Marcos Jr., nga magadesisyon ini sa pagpapirma sang hagna santo sa data nga nauyatan sini.
Suno kay Lacson, kun ang ginpanumdom sang obispo nga ang Negros Occidental ang mas pasulabihon sang gobyerno kun mag-upod diri ang Oriental kag Siquijor, indi ini matuod.
Suno diri, sang buhi pa si the late Negros Oriental Roel Degamo, nagpadulong ang gobernador sa nasambit nga probinsya agud nga maghinun-anon angot sa NIR bangud nagakahangawa man sadto si Degamo nga mabilin ang Oriental sa development kag pasulabihon ang Negros Occidental.
Suno sa gobernador ang probinsya sang Negros Oriental ang may yara sang opisyales kun sa diin unahon sang mga ini ang kinahanglanon sang constitues amo man sa Negros Occidental, gani indi matuod nga mapabay-an ang Oriental.
Samtang, liwat nagpanindugan si Lacson nga praktikalidad ang isa sa mga rason sang pag-upod sang tatlo ka probinsya agud mangin isa ka rehiyon, agud nga indi na mabudlayan ang mga pumuluyo sa pagproseso sang kinahanglanon sang mga pumuluyo.
Ginpahayag man sini nga mas maayo nga nga mangin layi na ang NIR agud nga may yara sang Regional Development Council nga makahinun-anon kun paano mapasanyog ang rehiyon.
