Nagpahanumdom si Negros Occidental Governor Eugenio Jose ‘Bong’ Lacson sa ginapa-abot nga heavy rain fall nga maeksperyensyahan sa probinsya.
Suno kay Lacson, sini nga weekend may yara sang makusog nga pag-ulan nga maeksperyensyahan bangod sa trough sang Severe Thunder Storm Bebinca kag Southwest Monsoon.
Suno diri, ilabi nga makabatyag sang pag-ulan amo ang sur nga bahin sang probinsya.
Hugot man sini nga ginapahalong ang mga nagapuyo malapit sa bulkan Kanlaon samtang nakaalerto na ang Disaster Risk Reduction and Management (DRRM) San Carlos, La Carlota, La Castellana kag Bago sa status sang bulkan.
Panawagan ni Lacson, maghalong kag kun may yara sang ipatuman nga evacuation mas maayo nga magsunod na lamang.
Samtang, nag-anunsyar naman sang class suspension subong nga adlaw para sa tanan nga school level sa public kag private schools sa ciudad sang Sipalay, kag bawna sang Binalbagan, Isabela, Hinigaran, Cauayan kag Pulupandan samtang ang Moises Padilla naman ang nagtransition sa alternative learning modalities bangod sa maulanon nga panahon.
