Ginpanugyan sang gobernador sang probinsya sang Negros Occidental sa pumuluyo nga dumdumon kun ngaa ginaselebrar ang Semana Santa.
Suno kay Governor Eugnenio Jose ‘Bong’ Lacson, nakahibalo ini nga madamo sang may plano nga maglagaw agud mag-enjoy sa malawig nga holiday, apang nagpanugyan ini nga indi pagkalipatan kun ano ang rason sa pagselebrar sang Semana Santa.
Ginpahanumdom man sini nga kun magbyahe likawan gid nga mag-inom sang makahulobog nga ilimnon kag indi kinahanglan nga magdali bangod ang importante makalab-ot nga safe sa padulongan.
Naka-alerto naman sa karun ang Philippine National Police, Bureau of Fire Protection (BFP), Department of Public Works and Highways (DPWH) kag iban pa nga ahensya nga magabantay kag magabulig sa publiko.
