Nagalaom ang gobernador sang Negros Occidental nga malakip na sa 2025 General Appropriations Act ang pondo para sa Negros Island Region.
Ginkalipay ni Governor Eugenio Jose Bong Lacson ang pagpirma ni President Ferdinand “Bongbong” Marcos Jr. sa Negros Island Region Act sang Hunyo 13.
Sa interview sang Bombo Radyo Bacolod kay Lacson, matapos ang 30 ka tuig napirmahan na nangin layi nga gindihon para sa pagtukod sang Negros Island Region.
Suno kay Lacson, sang 1994 ang una nga ginduso ang pagtukod sang NIR.
Ginpahayag sang gobernador nga napatuman man sang makadali ang NIR paagi sa executive order ni the Late President Benigno “Ninoy” Aquino apang ginbawi sa tion ni anay President Rodrigo Duterte.
Suno diri, sa subong nga layi na ini, indi madali dali nga mabawi kag bisan ang paghimo sang amendments ang mabudlay.
Nagalaom man ang gobernador nga malakip sa General Appropriations Act para sa 2025 ang Negros Island Region.
Suno diri, importante nga matapos gilayon ang Implementing Rules Regulations Act sang Negros Island Region Act.
Ginpahayag man sini nga nagalaom man sila nga makaorganize na sila sang Regional Development Council bangud importante bangud man diri nagasugod ang pag-aprubar sang plano nga mahimo ipresentar sa national government paagi sa NEDA.
Ginpahayag man sang gobernador nga bangud nangin layi na ang NIR Act, indi na mabudlayan ang mga pumuluyo nga magtabok sa pihak nga isla agud lamang magkuha sang serbisyo sang gobyerno.
