Nagapati ang gobernador sang Negros Occidental nga mas maayo kun may pagtuon ang National Economic and Development Authority sa mga pledges sang foreign investors sa tion nga may foreign trips ang presidente agud matrack ang foreign investments.
Suno kay Governor Eugenio Jose ‘Bong Lacson, economic provisions lang ang dapat nga iamend sadto apang tinalikdan nga adlaw, ginpahayag ni President Bongbong Marcos nga indi priority ang pagligwat sang Konstitusyon bangud indi problema ang foreign investments ilabi na sang ginbalon sini nga mga pledges nagikan sa Japan.
Ini ang ginalantaw nga signal sa Kongreso nga unahon nalang ang iban nga concerns kaangay sang inflation ukon madasig nga pagsaka sang presyo sang balaklon nga nagaapekto sa tanan.
Ini naman ang ginalantaw nga rason sang presidente nga indi pa prayoridad ang pag-amend sang Konstitusyon.
Makita naman nga sa tagsa nga magbalik ang presidente nagikan sa iban nga pungsod para sa working visit ukon state visit, dala man sini pauli ang dalagko nga investment pledges.
Ini ang nagapatimaan lamang nga nagasalig ang mga investors sa pungsod.
Nagalaom naman ini nga makahimo ang National Economic and Development Authority sang tally sang mga pledges sa foreign visit sang presidente agud makita kun diin ang natuman ukon napatindog sa pungsod.
Sa tion nga may pagtuon ang NEDA angot sa mga pledges, mafollow up ini sang husto kag mapakita sa mga Pilipino kun pila ka porsyento ang nagtupa.
