Dako ang pagpasalamat sang alkalde sang Canlaon City, Negros Oriental sa mga nagabulig karun nga sila ang yara sa krisis bangod sa paglupok sang Bulkan Kanlaon.
Sa mensahe ni Canlaon City Mayor Jose Chubasco Cardenas sa ginpatigayon nga press conference, lima ka mga Barangay ang nakaangkon sang kahalitan partikular na sa high value crops kaangay sang utanon.
Sa partial record, ini ang ginalakipan sang 655 ka farmers sa Barangay Pula, 290 sa Masulog, 396 sa Malaiba, 291 sa Lumapao kag 48 sa Linothangan.
Dakoman nga ektarya sang duta ang apektado.
Pahayag sini nga ang Canlaon City ang magahatag sang assistance sa mga apektado nga mangunguma kaangay sang humayan kag mga utanon.
Ang request ang ila man ipalab-ot sa Department of Agriculture (DA) agud makaplot sang system sa paghatag sang assistance, bangod ini ang indi masarangan nga ifinance sang local government unit (LGU).
Nagapasalamat ini nga yara ang Negros Oriental Provincial Government kag ang Department of Social Welfare and Development (DSWD) agud nga magbulig sa Canlaon City.
Nagpasalamat man ini sa mga kaingod nga banwa kag ciudad nga naghatag sang equipments kag assistance.
Panindugan sang alkalde nga sa kaangay nga tion kinahanglan ang paghugpong sang gobyerno.
Samtang sa statement naman ni Negros Oriental Governor Manuel “Chaco” Sagarbarria, ang provincial government ang natalana na gid man nga allocation para sa dos mil nga mga farmers, gani target na sini nga ang Canlaon City ang unahon.
Ini ang separado pa sa assistance nga ihatag may kaangtanan sa epekto sang paglupok sang Bulkan Kanlaon.
Suno sang gobernador sila ang nagdeploy sang lima ka mini dump truck para sa pagpatigayon sang evacuation.
Ginapakamaayo man sini nga may District Hospital sa Canlaon City, kag may-ara naman sang nakastandby nga ambulansya.
Pasalig sini nga may napreparar nga foodpacks ang DSWD kasubong man ang provincial government.
Suno diri, yara pa sa State of Calamity ang Negros Oriental bangod sa El Niño, gani mahapos sa ila ang paggamit sang pondo.
Ini ang nagrequest na sang 100 nga gas mask kag gintransfer ang pila ka oxegyn tank sa Canlaon District Hospital.
