Kapin sa P85 billion ang kinahanglan nga gastohon sang gobyerno agud mahatagan sang kuryente ang tanan nga panimalay sa bilog nga Pilipinas.
Suno kay Department of Energy (DOE) Secretary Raphael Lotilla, ginabanta nga P85 million – P100 million ang kinahanglan nga gastohon para sa 100 percent electrification sa tanan nga households.
Suno diri, kun malab-ot na ang target, magadangat naman sa P400 billion ang macontribute sini sa ekonomiya.
Ang 2023-2032 National Total Electrification Roadmap (NTER) nagatuyo nga malab-ot ang 100 percent electrification sa 2028 kun mahatagan ang tanan sang kuryente ilabi na ang yara sa remote kag far-flung areas.
Sa karun, kapin sa 25.3 million ka panimalay sa pungsod ang may kuryente samtang 2.5 million naman ka panimalay ang wala pa.
Ini nagapakita nga kapin sa 10.25 million pa ka Pilipino ang wala sang access sa kuryente.
