May option ang gobyerno sang Pilipinas kun ila i-surrender si Davao-based televangelist Apollo Quiboloy sa Estados Unidos agud magtambong sa trial para sa conspiracy to engange sa sex trafficking paagi sa pwersa, fraud, coercion, sex trafficking sang mga kabataan kag iban pa nga mga kaso.
Suno kay Atty. Rico Domingo, anay Presidente sang Philippine Bar Association kag chairman sang Movement Against Disinformation, sa idalum sang Article 11 sang Philippines-US extradition treaty, sarang nga temporaryo nga masurrender sang Pilipinas ang akusado sa Amerika agud magtambong sa trial.
Sakop man sang treaty ang visa violations kag sex trafficking offenses.
Suno diri, sarang si Quiboloy nga temporaryo nga masurrender apang dapat naman ini nga ibalik sang State Department kun kinahanglanon.
