Ginahulat nalang sang Pilipinas ang desisyon sang Estados Unidos may kaangtanan sa pangabay sini nga panuboan ang taripa sang mga lokal nga produkto.
Suno kay Trade Secretary Ma. Christina Roque nga wala na sang hiwaton nga isa pa ka pagsinapol kaupod ang mga tiglawas sang US.
Madumduman nga sang nagligad nga bulan, nakigkita si Roque kaupod sanday Economic Affairs Adviser Frederick Go kag Philippine Ambassador to the United States Jose Manuel Romualdez kay US Trade Representative Jamieson Greer kon sa diin gindiskusyonan sang mga ini ang pagpabaskog sang ila relasyon kag mga benipisyo apisar sang gin-implementar sang US nga 17 percent nga taripa.
Nalakip sa 90 ka adlaw nga suspensyon sang reciprocal tariff policy ni US President Donald Trump ang nasambit nga trade dialogue kag magalawig ini tubtob sa Hulyo 8.
