Nagpasalig ang Malacañang nga preparado ang gobyerno nga maghatag sang fuel subsidies sa public utility vehicle (PUV) drivers, farmers, kag fisherfolk kun liwat nga magsaka ang presyo sang gatong.
Suno kay Palace Press Officer Claire Castro, ang paghatag sang subsidies ang magadepende sa actual market movements kag ang gobyerno ang padayon nga nagamonitor sang sitwasyon sa Israel kag Iran sa tunga sang tensyon sa Iran kag Israel.
Suno kay Castro, ang ikaayo sang transport workers, mga mangunguma, manugpangisdal ang nalakip sa mga prayoridad ni President Ferdinand Marcos Jr.
Sa karun, indi pa kinahanglan ang fuel subsidy bangud yara pa lamang sa 65 US dollars ukon kapin P3,600 tubtob 68 US dollars ukon kapin P3,800 per barrel ang presyo sang gatong sa world market.
Una na nga ginpahayag ni Department of Transportation Secretary Vince Dizon nga i-garelease lamang ang fuel subsidies kun magdangat sa 80 US dollars ukon kapin P4,500 ang presyo sang gatong sa world market.
