Ginpahayag sang gobyerno sang Greenland nga indi nila mabaton sa bisan ano pa nga sirkumstanya ang luyag ni US President Donald Trump nga siya ang magakontrolar sang ila nga pungsod.
Ang pahayag ang ginpagwa matapos nagpahayag si Nato’s secretary general Mark Rutte, nga ang organisasyon ang nagadihon sang mga paagi agud nga mapabakod ang bolster Arctic security.
Ini kadungan sang ila pagbasura sang ambisyon ni US President Donald Trump nga i-take over ang isla.
Sang nagligad, ginpahayag ni Trump nga dapat ma-angkon sang US ang Greenland nga isa ka autonomous part sang Kingdom of Denmark, agud mapunggan ang Russia kag China nga okuparon ang lugar nga strategic kag manggaranon sa minerals.
Sa statement sang coalition government sang isla, myembro sang NATO ang Greenland kag ang ila depensa ang dapat ipa-agi diri.
Sang Lunes, ginpahayag ni European Union Commissioner for Defense and Space Andrius Kubilius nga ang pag-take-over sang US military sa Greenland ang mangin katapusan na sang NATO.
