ISRAEL – Nag-abiso ang gobyerno sang Israel sa mga pumuluyo nga magtipon sang mga commodities kaangay sang tubig, pagkaon, emergency kit kag first aid kit sa masunod nga 72 ka oras para sa ila ginahandaan nga opensiba batok sa Hamas militants.
Suno kay Bombo International Correspondent Jerome Gutierrez direkta sa Rishon LeZion, nagapanic buying na ang mga pumuluyo sa Israel matapos ang anunsyo sang gobyerno.
Nakahangawa naman ini bangud sa nasambit nga anunsyo kag nagapangabay nga makapauli na kuntani bangud wala sila nakahibalo sa matabo sa masunod nga mga inadlaw.
Sa karun wala pa sila gihapon contact sa mga missing nga overseas Filipino workers.
© web photo
Ginpahayag man sini nga may isa ka Filipina nagikan sa Pangasinan nga nalakip sa kapin 100 nga mga bangkay nga nasapwan sa Kibbutz Be’eri, nga malapit sa Gaza Strip.
Ini ang ginkumpirmar sang utod kag amo sang biktima.
Sa karun ginahulat pa ang kumpirmasyon sang gobyerno natuhoy diri.
Emosyonal ini nga nagahingyo ini sang pagpangamuyo para sa sitwasyon sa karun sang mga Filipino kag mga sibilyan nga yara sa Israel sa nagakatabo nga ginamo.
