Gobyerno sang Myanmar, nagdeklarar sang isa ka semana nga national mourning para sa mga napatay sa pagtay-og sang 7.7 Magnitude nga linog

Nagdeklarar ang Myanmar sang isa ka semana nga national mourning sumugod Lunes bangud sa makamamatay nga magnitude 7.7 nga linog nga nagtay-og sang Biyernes.

Ang mga national flags ang nakabutang sa half-mast tubtob Abril 6 bilang pagpakita sang simpatiya sa pagkadula sang kabuhi kag sa gintuga sang mga damages humalin sang pagtay-og.

Suno kay Aung Myint Hussein, chief administrator sang Mandalay’s Sajja North mosque, tuman ka malala ang sitwasyon kag mabudlay ipabutyag kun ano ang nagakatabo.

Suno sa junta, ang death toll ang nagsaka na sa 2,056 kun sa diin masobra 3,900 ka mga pumuluyo ang pilason kag 270 ang nagapabilin nga missing.