Hugot nga nagacoordinate ang gobyerno sang Pilipinas sa mga otoridad sa Myanmar para sa apat ka mga missing nga mga Filipino sa ciudad sang Mandalay matapos ang pagtay-og sang magnitude 7.7 nga linog.
Suno kay Department of Migrant Workers Secretary Hans Leo Cacdac, duha sa apat ka mga missing ang mag-asawa nga lunsay nagikan sa Laos.
Suno diri, sila ang wala pa makit-an tubtob sa karun kag may mga tikang na nga ginahimo ang gobyerno.
Nagpangayo ini sang pagpangamuyo nga sila ang makit-an na kag makumpirmar nga luwas sa katalagman.
Wala pa sa karun gindisclose sang DMW ang pangalan sang mga missing overseas Filipino workers kag ginpahayag nga wala pa nila mapahibalo ang ila tagsa-tagsa ka mga pamilya.
May yara sang kapin 2,000 ka mga Filipino sa Myanmar apang suno kay Cacdac, nagapabilin nga indi sigurado kun pila ang actual nga numero bangud sa presensya sang mga scam hubs kag human trafficking cases.
