Gin-anunsyar ni President Ferdinand Marcos Jr sa ginpatigayon nga State of the Nation Address kahapon, Hulyo 22 nga ang gobyerno sang Pilipinas ang nagpain sang pondo para sa pagpatuman sang expanded career progression system para sa public school teachers.
Suno kay Marcos, ang system ang magapromote ang professional development kag career advancement sang public teachers.
Suno sa presidente, paagi sa systema, mapadasig ang career growth sang mga manunudlo.
Paagi man sa nasambit nga systema, wala sang public school teacher nga magaretire nga Teacher 1.
Sa idalom sang systema, suno kay Marcos, nga ang mga manunudlo ang mahimo magpili kun diin ang ipursue sang mga ini, ang teaching track ukon ang school administration track.
Ginpasiguro man sini nga ang duha ka tracks ang may nagakaigo nga career growth opportunities.
Samtang, ginpahayag man ni Marcos nga ang national learning recovery program ang dapat mapatigayon sa labing madali nga panahon, gin-emphasize pa sini ang sang damlag lang nga assessments nga nagapakita nga masobra sa tunga sang mga estudyante sa grades 6, 10, kag 12 ang wala makalab-ot sa ideal proficiency levels kag manubo ang score sa information literacy, problem solving, kag critical thinking skills.
Magluwas sa pag-address sa classroom gap, suno sa presidente, nga ang digital gap ang dapat nga iaddress man.
Ginalantaw ni Marcos nga maabot ang adlaw nga ang mga estudyante nga makagamit sang computers, smart TVs, essential programs, digital books, makaaccess sa masaligan nga koneksyon sang kuryente kag internet.
